ღირსება თუ შურისძიება

ღირსება თუ შურისძიება

ერთ მთიელს კაცი შემოაკვდა და შურისძიების შიშით ქვეყნიდან გადაიხვეწა. მდევრებმა იქაც მიაგნეს ამ კაცს, მაგრამ ისევ გაექცათ, ისევ მიაგნეს, ისევ გაექცათ… აღარ იცოდა ამ კაცმა, სად დამალულიყო. ბო-
ლოს თურქეთში დასახლდა. ერთხელ მკვლელმა თავის ცოლს უთხრა:

– წადი, წყალი შემოიტანე, ხელ-პირი დამაბანინეო.
– გეყოფა, კაცო, _ უთხრა ცოლმა ქმარს, _ ახლა დასამალი არაფერი გაქვს, შორეულ თურქეთში ვინ მოვა და ვინ დაგიწყებს თვალთვალსო.

რაც არ იცი, იმას ნუ ლაპარაკობ, _ თქვა ქმარმა, _ შენ რომ გგონია, ისეთი ხალხი კი არ არის, ქვესკნელშიც მომძებნიანო.

შურისმაძიებლები თურმე მკვლელის კარის უკან იყვნენ ჩასაფრებული. ამის გაგონებაზე საფარიდან გამოვიდნენ და თქვეს:

– რადგან ასეთ ღირსეულ ხალხად გვთვლი, დანაშაული გვიპა-
ტიებიაო!

შურისმაძიებლებმა მკვლელს თავი გადაპარსეს და დანაშაული აპატიეს.

Share

Leave a Reply