ერთადერთი ქალი, რომელმაც ორჯერ დაიპყრო ევერესტი

ლეილა ალბოგაჩიევა – ინგუში ალპინისტი, ერთადერთი ქალი სპორტსმენი, რომელმაც ორჯერ დალაშქრა მსოფლიოს უმაღლესი მწვერვალი ევერესტი (8848მ).

ლეილა ალპინიზმით 90-იანი წლების ბოლოსკენ დაკავდა.
მისი პირველი მწვერვალი იყო იალბუზი, რომელზე ასვლაც 1998 წელს, 30 წლის ასაკში, განახორციელა. სულ, სპორტული კარიერის განმავლობაში, მან 12-ჯერ დაიპყრო იალბუზი.

ლეილა, ჯერ კიდევ სოფლის სკოლაში, რუსული ენისა და ლიტერატურის მასწავლებლად მუშაობის პერიოდში, მტკიცე ხასიათის პიროვნება იყო და მიზანდასახულობით გამოირჩეოდა. 2012 წელს, ინგუშეთის გუნდის შემადგენლობაში, მან თავისი პირველი ასვლა განახორციელა ევერესტზე, სამხრეთის მხრიდან. პირველი რაც გააკეთა ეს იყო დუა (ლოცვა) აღავლინა და ინგუშეთის დროშა ააფრიალა მწვერვალზე. შემდგომ, უკვე 2013 წელს, მან მეორედ დაიპყრო ევერესტი. ამჯერად მარტომ. ასვლა ჩრდილოეთის მხრიდან მოხდა, რომელიც შედარებით რთულ მარშუტს წარმოადგენს.

მის მიერ დაპყრობილია მწვერვალები – აკონკაგუა (სამხ. ამერიკა, არგენტინა) და კილიმანჯარო (აფრიკა).

სამწუხაროდ, ალბოგაჩიევას ცხოვრება ტრაგიკულად დასრულდა. ის დაიღუპა 2014 წლის 21 სექტემბერს, იალბუზიდან დაშვების დროს გადმოვარდა. დაკრძალულია ალი-იურთის საგვარეული სასაფლაოზე. დალა გეჩ დოილა ცუნნა!

Share
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
Posted in Blog, World - Düne, ინგუშეთი, იჩქერია, კავკასია.

Sulkhan Bordzikashvili - Administrator